انا معجبة جداً ببرنامجك بحب فبك أيه واستفد منو جداً وعندي مشكلة أريد منك أن تساعدني في حلها بداية أنا كنت بحب واحد حب شديدوهو ايضا يبادلني نفس الاحساس ونحن علي وشك الزواج ولكن تعترضنا مشكلة كبيرة جدا من ناحية أهله وهم يعترضون علي إرتباطي به وهم في رأياهم أختاروا له أبنت خالته وهي تحبه ولكن هو يحب أنا فحاول بكل الطرق لإقناعهم ولكن لم يستطع وانا في حيرة تامة لا أدري ماذا أفعل وخصوصاً أن أهلي عندما علموا بأن أهله أختاروا له أبنت خالته فهم أيضا بدورهم رفضوا واصبحت مشكلتان وعندما علم براي أهلي أختفي وقطع الاتصال من غير اي تبرير أنا لا أعلم هل هو زعل أم حاول الهروب من كل المشاكل التي تعترضه وأنا لم أحاول الاتصال به ولكن أريد الاتصال به لمعرفة في ماذايفكر وأرجو منك الراي السديد العاجل لحل مشكلتي التي تؤرقني كثيراً
____________________
بصى يا مشمشة
كل واحد فينا فى حاجات فى ايده و فى حاجات مش فى ايده
الانسان الذكى هو اللى بيعرف ايه اللى فى ايده و يعمله
و الانسان اللى غاوى يخبط دماغه فى الحيط هو اللى بيركز على الحاجات اللى مش فى ايده و يحاول يغيرها
انتى مش فى ايدك انك تقنعى ابوه و امه و ابوكى و امك ان الجوازة هتنفع
و مش فى ايدك انك تقنعى حبيبك انكم تستمروا فى العلاقة اللى هو قلب صفحتها
الشئ الوحيد اللى فى ايدك هو انتى
انتى بقى تقررى انتى هتستنيه و لا لأ … و تنفذى القرار دا
و تتحملى عواقبه
انتى ممكن ترتبطى بغيره و تندمى
و ممكن تستنيه و تندمى
و ممكن ترتبطى بغيره و تحسى ان ربنا كرمك
و ممكن ترتبطى بيه فى الاخر و تنبسطى من قرارك
كلمة السر انك تاخدى قرارك و تتحملى عواقبه
