هاى ازيك عاملة اية؟انا اسمى رغده وعندى 18سنة والحمد الله شكلى كويس وفى سنة اولى كلية بس المشكلة انى سكنة فى امبابةوحسة ان ده بيقلل منى وبحس ان لما حد بيعرف انى سكنه فى امبابة بيكش منى ولاانا بحس كده عشان انا مركزه مع الموضوع ده واحنا الحمد الله حالتنه المادية كويسه بس انا اخواتى كلهم كبار ومتجوزين وبابا و ماما كبار وميقدروش نعزل فى حته تانية وحرام اوديهم حته ميعرفوش حد فيها
الموضوع ده مقلل ثقتى فى نفسى اوى ومره حد قلى ان دى حاجه تقللمنى لما اجى اتجوز مش عرفه اعمل اية؟
نسيت اقولك انى اصلامش وثقه فى نفسى وانكلام اى حد بياثر فيا
——————————
اللى هيرفضك بسبب مكان سكن اهلك يبقى تفكيره محدود و عقله بايظ و ما يستاهلش التراب اللى بتمشى عليه
ثقى فى نفسك و اعتبرى دا فيلتر بيمنع عنك رجالة مش رجالة
نفس الكلام دا ينطبق على اللى اهلها منفصلين و لا اللى امها ارملة و ربيتها لواحدها و لا اللى ظروف حياتها خليتها عايشة مع ناس مش قرايبها