انا حاسه انى فاشله فى كل حاجه فى حياتى فى حب وفى الصحاب كان ليا صحاب كتير اوى ودلوقتى مبقاش حزليا حد غير واحد اكتر حاجه محيرانى فى نفسى ان اى حد بيتعرف عليا فى الاول بيحينى وبيشوفونى كويسه ومودبه وعقله وما الى ذلك لكن فى الحقيقه انا حاسه ان جواى مجنونه ووحشه وذى الزفت …. ماعلينا انا كنت مرتبطه بواحد لمدة 3 سنين ومن غير ما اشكر فى نفسى واللهى عاملته كل حاجه مطلوبه منى ووقفت جنبه وقمت بدورى على افضل وجه من مساعده فى دراسه لمساعده نفسيه ومسانده وكل حاجه وفجاه سبنى صدقنى لو قلتلك انى معرفش ليه
وكل اللى حوليا بيقولو انو بيحبنى بس انا خلاص كرهته ومش عايزه ومكدبش عليكى ان ده سبب رئيسى فى انعدام ثقتى بنفسى لانى فى سنه واحده ضاع منى حب كنت فاكراه حب عنرى وجرحنى من غير رحمه وبرضه ضاعت منى صحبت عمرى وعرفت حاجات كتيره عن ناس كنت فاكرهم بيحبونى انهم بيطعنونى فى ضهرى انا بجد نفسى ابتدى من جديد نفسى ربنا يكون راضى عنى خايفه اوى ان اللى انا فيه يكون سببه غضب ربنا عليا……
على فكره انا عندى 18 سنه وفى نفس الوقت فى واحد بيحينى اوى وانا بجد معجبه بيه خايفه اوى انى اظلمه معايا انا مرتبطه بيه بقالى 6 شهور بجد كل لحظه بيسبتلى انو بيحبنى بس مشكلته انو عصبى شويه والفتره دى بالذات هو متوتر علشان النتيجه ومستقبله والتخطيط ليه انا حاسه انى انانيه لانى عايزه يكون جانبى دايما ويحاول يناسينى اللى حصلى وفى نفس الوقت هو مش قادر يركز اللا فى مستقبله الفتره الاخيره بقيت بقله كتير سبنى وانفصل عنى وهو متمسك بيا لاخر لحظه انا بجد مبقتش عارفه انا عايزه ايه او نفسى فيه اسيبه ولا اكمل المشكله انى عارفه انو من غيرى هيتعذب اوى وانا كمان واللهى بتعذب
_______________________________
انت عاملة زى الدولاب المكركب … الفساتين على البنطالونات على البدل على القمصان على الغيارات على الشربات .. كله فوق بعضه. طبعا فى الكركبة و الزحمة دى أول لما تبصى على الدولاب هتقولى انه وحش و كل حاجة فيه وحشة و تبقى عايزة تولعى فيه بجاز لكن لو طلعتى كل الهدوم برة و كويتيها و رتيبتيها و علقتى كل حاجة فى شماعة لوحدها هيبقى الدولاب يشجع على اللبس و الخروج
انت دخلتى كل حاجة فى بعضها .. الحب فى الصداقة فى الثقة فى ربنا فى القديم فى الجديد … مطلوب منك تفصلى كل حاجة لوحدها و تعيدى تقييم نفسك و الناس اللى فى حياتك … هتنهى علاقتك بمين؟ هتحسنى علاقتك بمين؟ هتسطحى علاقتك بمين؟ هتطورى نفسك ازاى؟ هتعملى ايه فى مستقبلك؟
و حاولى تبصى على نص الكوباية المليان بدل ما شوية المياة اللى فاضلة تتبخر و ما تلاقيش حاجة فعلا حلوة فى حياتك
