السلام عليكم يا مروة عندي مدة وانا عايزة ابعتلك ايميل ارجو اخده بعين الاعتبار والرد في اقرب فرصة
انا بنت من الزمن ده انا بنت في العشرينات لم تكن لها علاقات عاطفية قبل دلوقتي بقالي معاه سنة وهو بيقول انه بيحبني للجنون احيانا احس صادق معاي قالي انو اول ما يحصل على عمل مستقر حيجي ويتقدملي قلنا اوكي قال اقفي معاي قلت حاضر بس ماكنتش فكر الوقوف معاه يعني اني البي كل رغباتو لحد في يوم جا قلي انه صبر معاي وسايرنيلانو مش عايز يخسرني وانو مش مستعد يحبني اكتر زي امو ولا اختو وانا المشكلة اني بحب لو في وقت فات جا وقلي زي دلوقتي انا كنت شتمت وادتلو كلمتين على دماغو بس دلوقتي انا بساير فيه واماطل بس لامتا ارجو تساعديني
________________________________________
اهلا يا مشمشة
صاحبك ببيستعبط
عاطفة الحب تجاه الام او الاخت او الصديقة مختلفة عن عاطفة الحب تجاه الحبيبة بغض النظر عن الجانب الجنسى فى الموضوع … علشان كدة ما ينفعش يقولك ماقدرش احبك زى أمى و لا زى أختى
هو يا زيه زى شباب كتير فى سنه هورموناتهم ضاغطة عليهم
يا خايف تزهقى و تسيبيه فقال يكسر عينك
مش مهم هو دوافعه ايه .. المهم انت مبادئك ايه
أنا مش من النوع اللى بيوعظ و يقول اعملى و ما تعمليش لكن الفبصل هنا فعلا هو : ما تعمليش حاجة لو الموضوع باظ تندمى عليها
