دلوقتي في شباب بتعلق كتير علي نقطة البنت الاجتماعية يعني ان البنت اللي عايزين يرتبطو بيها بتكون اجتماعية قوي، وليها اصحاب كتير، ومع ذالك هي ناجحة وكل حاجة وعجباهم، لكن النقطة دي بيعتبروها عيب يخليهم يقلقو من الارتباط ده، وانا فعلا سمعتها مرة صريحة من شباب كتير، “ان ده عيب..علي الاقل انا كشاب مش هقبل العيب ده.”
طب لية في حين انهم بيشهدو بأحترام البنت دي وانها عارفة حدودها في التعامل مع انماط البشر، ومع كل ده شايفين ان ده عيب.. مع ان البنت دي عارفة انها لما ترتبط ان حبيبها او جوزها او خطيبها، هيبقا لية مكانة عندها، ولية معاملة خاصة، لكن بحس ان الشباب بتتخيل ان البنت دي هتنشغل بصحابها، او بعلاقتها الاجتماعية بحكم شغلها واشتراكها في اكتر من نشاط، وهيبقا جزء من كتير تعرفهم زي ما واحد فيهم قالها قبل كدة مش عارفة هل ده حب تملك، ولا عايزها تبقا مش شايفة غيرة في الدنيا….؟؟
والسؤال التاني البنت اللي فعلا ليها علاقات اجتماعية كتير، و محبوبة ومقبولة من مختلف الناس اللي حواليها، تعمل اية علشان تتفادي النقطة دي، وان اللي عايز يرتبط بيها ميخافش من النقطة دي، وهل اصلا هيبقا الشخص ده مناسب ليها ولا لأ.؟؟
