سلام عليكوا
ازيك يا مروه؟ يا رب تكونى بخير
انا بنت عندى 18 سنه , انا كنت بحب واحد هو اكبر بسنتين و مع اختى ف الكليه بس صاحبتى كانت تعرفوا ف عرفتنى عليه , وبقينا اصحاب اوى , انا اعجبت بشخضيته بش معملتش حاجه خالص و كنت حاسه ان فيه حاجه من ناحيته بس صبرت عشات ممكن يكون بيتهيالى او حاجه و بعدين مره كده كنا بنتكلم ع الشات ف قالى
"if i knew u before , i would have gave u my heart "
المهم الحاجات اللى كانت بتحصل ساعتها كانت بتاكدلى الموضوع او ممكن اكو ن انا اللى كنت عايزه اصدق بس اللى حصل بقى بعد كده انى كونت ماسكه النوت بتاعتى ف يوم و كنت كاتبه فيها حاجات عنه و كده فخطفها منى و قراها و عرف بس حصلت مشكله ساعتها المهم ان احنا اتفقنا انوا مفيش حاجه من الكلام ده و ان احنا اصحاب و بس بس لاسف انا كنت باخدع نفسى , كنت فاكره ان مع الوقت ممكن مشاعروا تتغير مش هضحك عليكى كان عندى امل كبييييييييير اوى او ممكن نقول دلوقتى هبل , كان نفسى احب مره و تبقى هى دى بس لاسف ده خلانى اصدق حاجه مش موجوده غير ف دماغى ,يبقى عندى امل عشان انا عايزه يبقى فيه امل …… انا لاسف معرفتش اعيش جو احنا اصحاب و اخوات ده كتتير ,مقدرتش اتحمل انه بيكلم البت دى او بيهزر مع دى و اكتر حاجه ديقتنى انه جت عليه فتره و حس بحاجه نحيت بنت و كتبلها شعر و حاجات كده انا مقدرتش اتحمل كنت فاكره انى هعمل المستحيل فتعبت اوى و حاولت اققلل معها التلفونات و الشات و اننا نشوف بعض و كده بس معرفتش لانه كان بيعرف يوصالى باى شكل , فقمت قلته الحقيفه كده بكل صراحه انا اتغيرت معاك مؤخرا عشان كذاكذا و بطلنا نكلم بعض انا عارفه انى غلطانه اوى يا مروه و ان انا اللى حفرت الحفره و كسرت رجلى و بعيط دلوقتى بس انا حاسه انى مضيقه من نفسى اوى قولليلى اعمل ايه ؟
ايه الدررررس اللى المفروض اعلمه ل نفسى ؟ ازاى اما افتكر اى ذكريات حلو حصلت مزعلش و مندمش و معيطش
و اسفه لو كنت طولت عليكى
_________________________________________
أهلا يا مشمشة
الدرس الأول: ما ترميش قلبك على الارض تانى
الدرس التانى: لما الولد بيحب بالبنت بيقول و بيعبر
الدرس التالت: لو لاقيتى نفسك منجرفة فى تيار حب من طرف واحد تانى .. وقفى نفسك بدل ما تغذى الأوهام بالاحلام و تتعلقى بالحبال الدايبة
تنسى ازاى؟ اسمعى دا
