انا يمنيه عايشه في لبنان وبروح كل فتره اليمن وبقالي 4 سنين في لبنان وقبلها كنت في مغرب فا مش بقعد كتير في اليمن المهم عندي قريبي ده لما كنت بشوفو سلام وازيك وخلاص ماكناش بنتكلم كتير قبل سنه روحت اليمن كالعاده وكان في فرح اخته الي هيا بنت خالتي المهم بقينا نتكلم كتير ونشوف بعض كتير كمان قعدت معاهم في البيت فترة قبل الفرح وبعدو المهم هو كان مهتم بيا وبيتصلي ويكلمني كتير ولما يعمل اي حاجه عشان يشوفني سافرت انا لبنان رجعت وهو راح ماليزيا هو بقالو سنتين بيدرس هناك وهو في ماليزيا وانا في لبنان كنا بنتكلم عالنت ولاتلفون واتطورت العلاقة من قرايب لاتنين بيحبو بعض انا كنت مش مرتاحه من العلاقه عشان قريبي واختو مش عارفه حاجه وهو قالي خلينا كده احسن ماحدش يعرف احسن وانا مكنتش بخبي عليها حاجه اختو فاكنت متضايقه اني مقولتلهاش وخايفه تعرف بعدين وتقول اني مقولتلهاش وطبعا هو عندو حق احسن محدش يببقا عارف عشان مايقولوش واخرتها وكده ومنحسش بارتياح بقا المهم
فضلنا شهر يمكن مبسوطين جداااااااااااا وكان كويس جدا بس كان بيغير اوي اوي اوي
المهم جت فترة عندو ظروف وكده فامكنش يقدر يكلمني كتييير بس ساعات كان بيقدر وماكنش بيتكلم يعني افسرلك اكتر يعني هو ساب السكن الي فيه وبيدور على جديد في الفتره الي كان بيدور كان قاعد عند واحد ريبنا فامكنش يقدر يكلمني عشان هو قاعد معاه تقريبا 24 ساعه بس مرات بيبقا مش جمبو بس مابيكلمنيش اقولو ماكلمتنيش ليه يقولي كنت بشوف فيلم ويقعد يشوف افلام ويطنشني ههه جت فتره بقا اختفي يومين وبعدين ظهر وبعدين اختفى في الفتره الي كان مختفي فيها انا قولت بعذب نفسي ليه اذا في الاول كده يعني مش كفايه اني خايفه لو عرفت اختو وانا مقولتلهاش هتزعل مني قد ايه كمان يطنشني وقعدت افكر انا لو بحبو دلوقتي بعدين هحبو اكتر وبعدين لو حصل وسابني مثلا وهو قريبي هيفضل قدامي فاهتعذب اوي وساعات افكر اقول يمكن الاقي حد احسن منو ليه اورط نفسي معاه دلوقتي المهم كانت بتجيلي افكار كتير وقررت بعد تطنيشو اني اسيبو قام كلمني في يوم كانت عندهالساعه 1 وانا 8 الصبح وكان دايما بيتصلي في الوقت ده يصحيني المهم فا قولتلو كنت فين وقالي ظروف قولتلو لازم نسيب وكده قالي ليه قولتلو عشان طنشتيني فالسا بيقول ظروف وهيفسرلي ماخليتوش يفسر قولتلو خلاص نسيب قالي طب دي اول مره تحصل مشكله مابينا ودايما الي بيحبو بعض بتحصل مشاكل مابينهم قولتلو لا علاقتنا غلط من الاول عشان قرايب يقولي ليه اقوله الي كتبتهولك في الاول المهم يقولي ومالو المهم اني قولتلو خلاص خلاص عشان خطري قام اتكسف طبعا قال اوكي بعدها اقعد يحاول معايا بطريقة ماتذلهوش يعني مايقوليش بلييز نرجع بس كان بيقول ها وكده ويلمح وانا اقوله انت واخدها هزار انت واخد علاقتنا هزار انا قولتلك خلاص يبقا خلاص المهم كنت شريره اوي صح هو طنشني بس كنت شريريه جدا وقتها والصراحه كان في حد بيحاول معايا وكان كويس فاحسيت انو هو بيطنشني فاليه اعذب نفسي المهم بعدها كننتكلم عادي ويتصلي كل فتره وكان بيهتم بيا اكتر من ماانا بهتم بيه وشويه قلل حسيت ان في حاجه سالت واحده قربتي قالت بقا بيحب واحده وكده سالتو قاللي اه اعرفها من زمان قولتلو اشمعنا دلوقتي يعني حبيتها قالي مش عارف هو ده الي حصل المهم وقتها حسيت اني بحبو جدا وضيعتو من ايدي قولتلو يرجعلي قاليانا لسا بحبك بس ماينفعش اسيبها هيا ماغلطتش عشان اسيبها المهم الفتره دي كنت اصلا مكتئبه وكان عندي ظروف فا كمان اتضايقت عشان بقا مع واحده تانيه مع اني كنت ياام ماسبنا بعض بقولو عرفت حد وكده ويقولي معجب بواحده اقولها جرب وكده ماضيعش الفرصه فااكيد هو حس اني مش بحبو فامالموش لو فكر واحده انيه المهم احنا فضلنا مع بعض يمكن شهر ونص وبقالو معاه يمكن مش اكيد 6شهور مش عارفه يمكن كده او اكتر جت فتره قريبه برضه ضعفت اوي قولتلو بحبك وعدت الي غلطو المره الي فاتت قال عشان تعرف قيمتي واتعذبي قولتلو ليه انت اتعذبت قال اه اكيد قولتلو ماهو ماكنش باين انك زعلت اوي قال ماانا مش عايز ابين عشان كرامتي دلوقتي سيبي كل حاجه هنشوف هيحصل ايه بعدين .
انا شوفتك لما جيتي يامروى في برنامج روتانا كافيه وكان تقريبا في اتنين عندهم مشكله زيي بس هما في مكان البنت اي عرفها مش في مكاني انا عارفههيا ايه ذنبها بس هو لو بيحبني انا وقاعد عشانها كده بيطلمها المصيبه بسالو بقولو بتحبها مابيرودش اقولو بتحبني يقولي اه انا مش عارفه اعمل ايه وتقريبا هيا بتسمع كلامو وانا كنت بعند معاه وانرفزو وهيا بتسمع كلامو فاشكلو مرتاح معاها جدا دلوقتي انا عايزه اتغير عشان انا مستعده اعمل الي يريحو بس انا مابقتش بكلمو زي زمان كل حاجه بيبقا مشغول مشغول دلوقتي بقالو يومين في اليمن هيا يمنيه الي بيحبها المهم ياريت تفديني انا بجد ندمانه اوي وتعبانه وخايفه يخطبها وانتي عارفه اني قربته فالو خطبها هحضر الخطوبه هيفضل قدامي طول عمري اانا عرفت قيمته ودلوقتي مش هفكر اني ممكن الاقي حد احسن منو انا عايزاه هو زي ماهو بعيوبو ياريت ترودي عليا وميرسي مقدم
___________________________________________________
هو دلوقتى حاسس انه ملك .. معاه البنت التانية دى و علاقته مريحة معها
و من الناحية التانية معاه الحبيبة "السابقة" بتجرى وراه
و بالبلدى كدة الأمن مستتب عنده و احلامه اوامر
مين بقى اللى متبهدل و مكتئب و حياته واقفة؟
أنت
مين اللى هيتجنن من الغيرة؟
انت
مين اللى عامل من علاقة شهر و نص حكاية و روايه؟
انت
مين اللى مكبر الموضوع من باب العند و حب التملك؟
انت
مين اللى شبطان فى لعبة رماها و حد تانى لقاها؟
انت
يبقى الحل ايه؟
تبعدى و تسبيه .. وقتها هيحصل حاجة من اتنين … با توازنه هيختل و يكتشف انه فعلا بيحبك و يرجع … يا كل واحد منكم هيروح فى طريقه
أهم حاجة انك تكونى صريحة مع نفسك و ماتكبريش المواضيع فى دماغك
