مرحبا اخت مروه انا قصتي بإختصار طول عمري عندي مبدأ ما احب الا بالوقت المناسب لحد ما صار عمري 25 سنه شغلي تمام ووضعي تمام ومن عيله كبيره قوي اتعرفت على شاب من خلال شغلي حسيت انه مناسب إلي جدا بأفكاره بوضعه الاجتماعي بدراسته بأخلاقه المهم حكالي انه معجب وبعديها سافر عالسعوديه لانه شغله هناك وقللي انه صعب الارتباط عشان اهله ما بياخدوا الا من بنات العيله وانه حنعيش على امل يوافقوا اهله انا عجبني كتير بكل شي عشان هيك صبرت 3 سنوات عشان اهله يوافقوا وهوه بحبني حب مش طبيعي برغم وجوده بالسعوديه دايمن معايه عالنت وتلفونات يوميا ما بتركني لحظه ابدا المهم بعد ثلاث سنوات خبرني حيتجوز بنت خالته بغصب من اهله انا ما سدقت وضليت اسال واسال لما عرف اني بسأل عنه اتصل فيني وخبرني انه بالفتره اللي حبني فيها كان متجوز ومتخانق مع مرتو وحردانه عند اهلها وكان على امل يتركها خلال 3 سنوات بالطلاق ويرجع يتجوزني وخبى علي قصه زواجه …انا بحبه كتير مش قادره انساه ابدا انا بحبه كتير وبنفس الوقت مش حقدر اخون مرتو لاني باخد راجل من مرتو وبنفس الوقت بحبه هوه بده ياني دايمن معاه حتى بعد ما اكتشفت الحئيئيه وعايزني معاه وهوه ضايع جدا بأفكاره ومضيعني معاه مش ئادره انساه وبنفس الوقت وجودي غلط بليز ساعديني انا تعبانه جدا
_____________________________________________________
يا لهوى يا خبر اسود يا قلبى يا بنتى ….. انا بجد مش مصدقة … الكدب ابشع من
الخيانة …. انا فعلا مش مصدقة ….. بصى اللى بيكدب مرة بيكدب عشرة و اللى
بيكدب فى الكبيرة (زى اخينا دا) هيكدب فى كل حاجة. دا لا اخلاق و لا دين و لا
مبادئ و لا تربيه توافق على الظلم اللى هوا ظلمهولك دا … لو راجل محترم كان
صارحك بالحقيقة و انت تختارى يا تقبلى يا ترفضى
المهم
المرة الأولى هو كدب و ظلمك
لو انت بقى فضلى معاه و رجعتى له يبقى انت بتظلمى نفسك بايدك
اولا الله اعلم هو كان بيعرف مين تانى غيرك و الله اعلم عشرته كانت بشعة لأى
درجة علشان كدة مراته طفشت … هيعلم ايه دا لأولادك؟ اللعب ببنات الناس؟ الكدب
و الخداع للوصول لأغراضهم؟ دهس المبادئ تحت اقدامهم؟
هذا رجل لا يصلح زوج و لا اب
لكن الاختيار فى الاول و الاخر اختيارك
