فى الاول انا متابع جيد ليكى جدااااااااااااااا سواء هنا او على الجروب
انا واحد عندى 22 سنة وفى اخر سنة ليا فى كلية حقوق…مشكلتى انى معنديش ثقة فى الحب…بمعنى لما بدخل علاقة جديدة ثقتى مش فى الانسانة لاء ثقتى فى العلاقة ذات نفسها…انها ممكن تبوظ…ان اى حد ممكن يوقع ما بينا…ممكن ده يكون سبب ان لما بيحصل اى مشكلة استعدادى لحلها بيبقى قليل جدااا
زمان كنت عكس كده خالص …كنت بسمع وعندى طول بال…بس دلوقتى لاء مبقاش فيه اى قدرة على كده…اخر واحده كانت كدابة…وغشتنى فى كذا حاجه غير المشاكل الرهيبة اللى عملتهالى فى كليتى والمكان اللى بشتغل فيه وبيتى كمان :S
فالعملية بقت خربانة طالع شبه متدمر ومش عندى ثقة خالص فى اى حد انه فعلا هيكون كويس…ايه اللى المفروض اعمله عشان اطلع من الجو ده وارجع انسان طبيعى مش شايف الدنيا كئيبة ولا اي حاجه؟؟؟
مش عاوز ااقضى طول حياتى لوحدى زى ناس كتير اتجرحوا من ناس تانيين ففضلوا انهم يعيشوا بمفردهم بسلامتهم وكرامتهم على انهم يدخلوا فى علاقة سواء ارتباط ولا جواز ولا ايه عشان بس ميتجرحوش من حاجه
تفتكرى فيه حل يا مروة انى ارجع ثقتى تانى لنفسى فى الحب ؟؟؟
ميرسى
