ازيك يا مروة,انا اول مرة ابعتلك,انا هادخل في الموضوع علي طول,انا مش عارفة ابدء مشكلتي منين اصل,انا عندي20 سنة,مخطوبة بقالي 8 شهور تقريبا,خطيبى عنده 23 سنة،انا مشكلتى مش مع خطيبي بالتديد,
هى مع اي حد بس هي بتظهر اكتر معاه,انا بحس اني ضعيفة اوي, اوي يعنى فوق ما تتخيلي,مش بستحمل اي حاجة تحصل,اي مشكلة اي موضوع حتي لو صغير,مش بعرف امسك نفسي,علي طول الاقي نفسي بترعش والبي بيدق و بعيط وبتسرف غلط مع اني ببقي عارفة الصح اللي المفروض يتعمل,فبالتلي بكبر المشكلة الصغيرة و بقلبها لمشكلة كبيرة,
بخاف من كل حاجة وبحس ان ده علشان انا ضعيفة اوى,يعنى مثلا ابسط حاجة حصلت قريب,بصي هو مبدئيا انا معنديش مشاكل مع خطيبي خالص الحمدلله,احنا مخطوبين بالطريقة التقليدية بس احنا متفهمين جدا و دلوقتى انا حاسة اني بحبه اوي,
و اعتقد ان هو كمان كدة,الحاجة بقة الله حصلت قريب,ان هو كان زعلان مني,مش زعل بجد يعنى مجرد بس عاتبني علي حاجة كدة صغيرة انا عملتها,و خلاص خلص الموضوع علي كدة,اعدت انا بعدها افكر,هو زمتانه زهق مني,و حجات كدة,مع العلم ان من 8 شهور ولحد دلوقتي دي تانى مرة يزعل مني في حاجة,ز في المرتين مش زعل بجد,بيلومني كدة وخلاص
,المهم بقة جه هو بعد 3 ايام كان المفرض المعاد اللي بجيلي فيه كل اسبوع,كلمنى وقلي انه تعبان ومش ادر يجي,انا قلتله ولا يهمك و بعد م قفلت معاه,اعدت اعيط و اقول هو كدة خلاص بيكرهني ومش هايجي تاني و هايسبنى,مع اني فى الوقت الطبيعى مش بيبقي عندي شك خالص في انه متعلق بيه وانه عمره ما هيفكر يسبنى المهم كالعادة معرفتش اصبر و بعتله رساله قلتله انا عارفة انك زعلان علشان كدة مش هاتيجي و حجات كدة فمردش برضه معرفتش اصبر اتصلت بيه قلتله انت زعلان كلمني براحة قوي وقالي والله انا مش زعلان واحنا مش اطفال ازعل و ماجيش انا بجد تعبان,
وبرضه اعدت اعيط بانهيار وانا اصلا مش فاهمة انا بعيط ليه,بعد حبة اتصل بيه و قالي انا جاي ولما جه لقيته فعلا تعبان وبابه هو اللي وصله علشان هو مش قادر يسوق اكسفت من نفسي اوي و قالي انا جيت علشان متزعليش و تفكرى التفكير بتاعك ده,المشكلة مش بس فى الموضوع ده, في حاجات كدة كتير ومش مع خطيبي بس,علشان كدة انا بقولك انا بحس انى ضعيفة اوى,موضوع عبيط اوى زي ده هزنى جامد,انتي ممكن تقوليلي دي قلة ثقة بالنفس بس انا حاسة انها ضعف مني,و تي مش قلة ثقة فيه لان المشكلة مش معاه لوحده,انا بس جبتلك مثل معاه هو ,
