هاي مروة …. أنا عايزة منك نصيحة علشان انتي الوحيدة إلي حاخد برأيها
أنا قبلت واحد ف أخر سنة كلية ومكنتش أعرف حد قبلو واقنعني اني ارتبط به (كان عندي 20 هو ٢٢) وبعدين زي أي واحد بحبك…انتي غير إلي عرفتهم لحد ماخلني (ندخل ف علاقة إلى حد ما حميمة)
كنا مع بعد سنة وطبعاً أنا إلي كنت بهتم به وبسئل عليه وهو مكنش مهتم أوي بنفس الدرجة بتاعتي…..طبعاً كان عند شك فيه بس قلت l-نفسي لء دة بيحبك…..ابتدا يبعد شوية شوية لحد م ف يوم كلمتو كذا مرة مردش عليا!!
طبعاً عرفت إلي فيها ……أكتئبت وأدمرت وكنت بأول لنفسي ياترى شكلها إيه إلي معه دلوقتي وبيعملو إيه؟ فهماني طبعاً …..دموع واشتغلت علشان أنساه
كل دة على أمل إن يتصل بية وأخد كرامتي وفعلاً اتصل بس بعد سنة!!
أنا أسف ….أنا اشتغلت بس خسرت فلوسي وجربت أحب بس حسيت إن مفيش وحدة زيك …..أتحايل عليا وأنا طبعاً برفض بس من جوايا نفسي أرجعلو ….بعد ٦ شهور وفقت أرجع …معملتو معايا كانت كويسة أوي ..وكنت سعيدة أوي…وطلب مني إن نعمل إلي عملناه زمان تاني….وافقت للاسف وبعدها كان كويسة برده ….بس بعد شهرين …قل الاهتمام بحجة الشغل
مشكلتي اني مش عرفة أعمل إيه ساعات بحس إنه كويس وساعات لأ
والمشكلة الأكبر اني بجد مش شايفة حد غيره …..ومش عارفة أقابل ناس تانية فين…..حاسة اني ممكن أحب حد تاني غيرو بس أنا مش عرفة حقبلو فين الشخص ده
مش عرفة أعمل إيه (خايفة أكلمو وميردش عليا زي زمان ف أي لحظة)
بجد مش عارفة!!!!!!
