مروة رخا مع جمال عنايت على الهوا و أنا زوجة تانية

Date posted: February 8, 2010


 

مروة رخا مع جمال عنايت على الهوا

و كلام عن مقال مروة رخا: أنا زوجة تانية

Get the Flash Player to see this player.

و دا ردى على كل من تطوع و عرض على الزواج بعد الحلقة
 
أهلا وسهلا
 
قبل كل شئ أحب أوضح إن أنا كاتبة و تخصصى فى الكتابة هو عن العلاقات العاطفية و الاجتماعية
 
هدفى من الحلقة مش البحث عن عريس
 
انا عايزة اهز المجتمع من جذوره المتعفنة
 
انا ما عنديش مشكلة فى الزوجة التانية و كل واحد ادرى بظروفه لكن فى موضوع المقال مثلا الراجل بعد ما اتنيل اتجوز جاى يتنحنح لى و عايز نتصاحب يعنى نترافق و علشان كدة زنقته فى موضوع الجواز
 
مجتمع منافق الراجل مستعد يرافق فى الحرام و لا انه يتجوز على سنة الله و مستعد يتجوز فى السر زى اللى سرق سريقة …
 
علشان كدة انا مقالى و كلامى فى البرنامج كان عن اعلان و اشهار و فرح و الزوجة الاولى تعرف ..
 
لان الجواز فى السر ضياع لحق المرأة و كرامتها الزوجة الاولى مستعدة تستحمل علاقات جوزها المشينة ..
 
بس ما يتجوزش عليها
 
نفاق
نفاق
و وساخة
 
انا بقى جاية بانضف
 
لما انا اقول انا عايزة ابقى زوجة تانية و فى العلن بكرة كل بنت يتعرض عليها المرافقة هترفض
 
و كل بنت يتعرض عليها الجواز فى السر هترفض
 
و كل راجل كداب و مراوغ مش هيلاقى غير بيوت الدعارة تلمه فهمتونى؟
 
انا فعلا مش عايزة خانقة و فعلا مش عايزة ابقى زوجة فول تايم لكن انا كلامى هدفه اكبر بكتير من انى انا شخصيا اتجوز
Bookmark and Share