المشكلة الجديدة
—————————–
ازيك يا مروة ياريت تكوني فاكراني انا بعتلك قبل كده وحكيتلك على مشكلتي مع الشخص اللي المفروض انه ابويا ارجوكي انقذيني!!
زي ما حكيتلك انا عندي ٢١ سنة دلوقتي اخر ٩ سنين منهم مآساة،اكيد شوفتي قبل كده ضحايا الاعتداء الجنسي انا مصيبتي ان اللي عايز يغتصبني ابويا!!
كنت ولا حاجة ف حياته وانا صغيرة مش مهتم بيا ومعاملته وحشة جدا وكل الحب لأخويا لحد مابقى عندي ١٢ سنة وجسمي كبر اكتر من اللي ف سني وبقيت انثى وبدل ما ابويا يحميني من الناس اللي ف الشارع والبيت يبقى امان بالنسبالي لقيت ف البيت اكبر خطر عليا كان بينتهز اول فرصة ميبقاش فيه حد ف البيت ويحاول يلمسني ويقرب مني بطريقة قذرة وعنيفة-انا اسفة ف اللفظ-
الأول كنت بهرب منه ضعيفه ومش عارفة اعمل ايه ولقيته بيهددني لو قلتي لحد محدش هيصدقك وهنرميكي ف الشارع تخيلي وانا عندي ١٢ سنة وبتخيل نفسي ف الشارع ظلمني كتير وشوه صورتي قدام اخويا وماما ان اخلاقي وحشة عشان ميخلينيش اخرج من البيت طول ماهما برا وعشت ف ضغط وسجن مكنتش بشوف الشارع حتى الكلية اللي كان نفسي فيها كان مجموعي ٩٨% حرمني منها بحجة انها مش ف نفس البلد وهيا اقل من ساعتين اصلا وابقى فيها عمل كده عشان يخليني جنبه وطبعا محدش وقف معايا.
وعدت كل السنين دي وانا مشكلتي اني غبية عمري مافكرت ف نفسي دايما كنت بقول استحملي عشان متخربيش البيت وانا متأكدة ف نفس الوقت اني لو اتكلمت محدش هيصدقني هو مبرمجهم على كده.
وصلت معايا لدرجة كرهت جسمي عشان شكله كده وكنت بعور نفسي وكسرت ايديا ٣ مرات وقلت اكيد انا مش بنته عشان يعمل فيا كده.فاض بيا بجد من كام يوم دخل اوضتي وانا نايمة وقطعلي لبسي و ضربني لما كنت ببعده عني بكل قوتي ف هربت من البيت وروحت عند اهل ماما واحنا عايشين ف بلد بعيد جدا عنهم وطبعا معرفتش اقول الحقيقة قولتلهم بيعاملني وحش ورجعوني تاني.
بجد بقيت ف حالة ربنا وحده اللي عالم بيها وهو دلوقتي بقى اي حد بيتقدملي بيرفضه وانا بيتقدملي احسن شباب من ٥ سنين وبيقولي محدش هياخدك مني ومحدش هيلمسك قبلي وانه بيحبني واتعلق بيا جدا ومش هيسيبني الا لما ينام معايا وكلام لو واحدة من الشارع ميقولهاش كده.
انا بجد بموت ف اليوم ١٠٠٠ مرة ومحدش حاسس اخويا سافر من كتر مشاكله معاه وماما هتتجرح بجد لو عرفت،ذنبها ايه اخرب حياتها بعد ٢٦ سنة مش شايفه حقيقته ، مش قادرة اعيش كده وف وسط كل ده حاولت ابقى احسن وحققت نفسي ف الكلية اللي دخلتها غصب عني ووسط كل الناس اللي حواليا كلهم بيقولو اني ذكية وعارفة قيمة نفسي كويس
ده اللي خلاني اقرر اني اسيب البيت انا عارفة ان حياتي هتبقى احسن وانا بعيد عنه وأد مابكرهه بحب اهلي طول عمرهم فخورين بيا وهو اكيد هيقنعهم اني هربت مع حد طول عمره دي حجته عشان متأكد اني مش هعرف اتكلم و ف نفس الوقت انا لازم ابعد عشان بقى اعنف وبجد انا مبنامش الا وحد موجود ف البيت. اعمل ايه بس Please help me i'm falling apart
——————————-
هتروحى فين و هتعيشى ازاى و هتصرفى منين و هتشتغلى ايه؟
——————————–
هفضل عايشة ف نفس البلد اللي انا فيها لحد ما اخلص امتحانات فاضلي اسبوع واخلص الترم ده..واحدة صاحبتي جدا عندها شقة هنا وهيا مسافرة بره مبتجيش الا اسبوع ف السنة اتقفت معاها اخد المفتاح بتاعها وبعدين هدور على شغل انا اشتغلت قبل كده مترجمة ومعنديش مانع اشتغل اي حاجة اقل من كده هعرف اتصرف
بس تفتكري ده هو الحل فعلا …
ليه انا اللي اتبهدل وابعد عن بيتي واهلي واستحمل كل اللي هيتقال واطلع غلطانة ف كل حاجة برضو؟؟
بس تفتكري ده هو الحل فعلا …
ليه انا اللي اتبهدل وابعد عن بيتي واهلي واستحمل كل اللي هيتقال واطلع غلطانة ف كل حاجة برضو؟؟
——————————————
احنا مش هينفع نسال ليه؟
لأن أول سؤال هيبقى ليه ربنا كتب عليكى أب بالشكل دا
ليه مش هتقدم و لا هتأخر
المهم تنقذى نفسك
