سؤال متعلق بالتربية الجنسية للأطفال سؤال مهم جالي من أم عن بنتها - 7 سنوات. السؤال دا ممكن يجي من أم لبنت أو ولد وممكن يجي في سن أصغر أو أكبر وممكن يجي بطرق مختلفة ... مش لازم نفس التفاصيل. السؤال باختصار أن البنت حكت للأم أنها بتحس أنها مبسوطة لما بتجيب مياه الدش على "المنطقة الخاصة". الرد: دا إحساس طبيعي واستكشاف المشاعر دي في السن دا طبيعي. اللي مش طبيعي بقى لو الموضوع تحول لإدمان ... لو بقت بتسيبكم وتدخل تعمل كدة ... لو بقت كل ما تتوتر تعمل كدة ... لو بطلت تلعب وتمارس حياتها الطبيعية علشان تعمل كدة. فاهمة الفرق؟ أنت دلوقتي محتاجة تبتدي تفهميها شوية حاجات عن نفسها وجسمها لكن مناسبة لسنها (في كورس التربية الجنسية من الميلاد حتى نهاية البلوغ باستخدام فلسفة وأنشطة المونتيسوري) ردك السليم (على البنت) بعد ما تطمنيها أن دا طبيعي. ربنا خلق لنا طبقة حساسة جداً مغطية جسمنا كله اسمها الجلد. جلدنا دا وظيفته يحمينا من البكتيريا والفيروسات. طبقة تمنع وصولها للدم. كمان بيحمينا من البرد وبيجمينا من الحر وبيخلي جسمنا يتنفس. كمان ربنا عمل الجلد دا من أول خطوط الحماية لنا ... يعني لو في نار أو حاجة بتشوك أو حاجة كاوية جلدنا بيبعدنا عنها بالوجع. زي ما بيحس بالوجع بيحس باللمسة الحنينة زي لما ببوسك ولما بحضنك ولما بطبطب عليكي. في بقى مناطق جلدها حساس أكتر من مناطق تانية زي كدة الفرج (لازم تعرف الاسم الصح) فأنت اللي بتحسي بيه لما المياه بتنزل على الفرج في الحموم طبيعي لأن المنطقة دي جلدها حساس. المهم بقى ما تزوديش المياه والصابون في المنطقة دي لأن فيها بكتيريا نافعة بتحميكي من الأمراض والبكتيريا المضرة.
هنتعلم إيه في كورس التربية الجنسية؟
فيديو مجاني من كورس التربية الجنسية
ما هي تفاصيل كورس التربية الجنسية؟
