قنوات آدم التعليمية

قنوات آدم التعليمية ... فين وإيه؟

تنويه فوق التنويه: من فضلكم .. أرجوكم ... اقروا الكلام ... افتحوا الروابط ... شوية عمق وتركيز 🙂
تنويه قبل أي حاجة: ماحدش يقول لي مش فاهمين ... أنا نفسي مش فاهمة شغل آدم ... ادخلوا على الروابط واقروا ودعبسوا 😆

مقدمة مهمة:
كل إنسان بيتعلم بطريقة خاصة بيه وعلشان يعرف الطريقة دي لازم يجرب طرق كتيييييييييييييير لحد ما يلاقي التوليفة المريحة له.

كمان التكنولوجيا الحديثة ... اللي كل شوية بتطور ... وأدوات المونتيسوري ساعدت ولاد كتير من اللي نموهم غير نمطي - زي آدم.

آدم مثلاً مالهوش خالص في أنه يسمع حاجة .. سواء صوت بس أو صوت وصورة. مالهوش أوي في الفيديوهات المسجلة لكن بيستعملها في مواقع البرمجة لأن دا موضوع هو بيحبه.

طيب هو بيتعلم وبيذاكر إزاي؟
من خلال التفاعل الأونلاين .. لازم تفاعل وهو بيفضل الأونلاين علشان الزحمة والدوشة ... وكمان العمل في مجموعات أونلاين ممتع جداً له (على عكسي أنا مثلاً)

مالهوش في الكتابة وتدوين الملاحظات وأي شغل بالورقة والقلم لكن له في عمل ملفات وملخصات على الباوربوينت والوورد والبي دي إف.

اكتشفت بقى من متابعتي له أنه بيتعلم بجد وبيستوعب اللي بيتعلمه لما بيعلم غيره (زي حلاتي كدة) 😁

فبقى بيحول بعض الدروس إلى ألعاب تفاعلية أو اختبارات تفاعلية .. هو بيتعلم وبيلعب وبيعمل مادة تعليمية تفيد غيره.

دي قنوات آدم التعليمية ... تابعوها لأنه بينزل جديد.
قناة آدم على اليوتيوب - شرح مجاني كتير

على موقع quizlet

على موقع scratch

منصة آدم كمبرمج - كلها شغل برمجة

موقع آدم - عليه شغل وتلخيص نصوص وكدة

منصة Arab Media Kids

دعوة مجانية للنشر ... دعوة للكتاب والباحثين الصغار ... اقروا كويس واتفرجوا على الفيديو.

مين حابب ولاده وبناته يكونوا كتاب ولهم مواضيع منشورة على النت باسمهم؟

مين حابب المساهمين يقروا مواضيع بعض ويعلقوا عند بعض ويعملوا مجتمع صغير من المهتمين بالبحث والكتابة؟

أصل الحكاية:

آدم مساهم نشط على موقع تفاعلي للأطفال اسمه kids net وكان بيدور على حاجة شبهه بالعربي وما فيش.

عمل إيه؟

عمل منصة من تصميمه على wordpress ونشر شغله سواء أبحاث أو ملخصات أو مواضيع كتبها أثناء دراسته للغة العربية.

في الفيديو دا هتلاقوا شرح للمنصة وإزاي ممكن بناتكم وولادكم يبقوا كتاب مساهمين معاه 

العبوا مع آدم 

لعبة The Parts of the Brain and their Functions

لعبة زاوية 360 درجة

لعبة من تصميم وبرمجة آدم .. مناسبة للأطفال من 4-7 سنوات .. وممكن للكبار برده ههههههههههههه
لبدء اللعب افتحوا الرابط ودوسوا على العلم الأخضر ... زي الصورة. حركوا الشخصية بالأسهم من على الكيبورد وأوعوا تخبطوا في الخطوط وإلا هتعيدوا من الأول 

كورس البرمجة المجاني من خلال منصة مدرستي - تعلم سكراتش مع آدم باشا

آدم استغل اللي اتعلمه وعمل Extension تساعد المبرمجين في شغلهم. أول إكستنشن هو عمله واتقبل في محرك بحث فاير فوكس ومايكروسوفت  ودا فيديو شرح ليها.

 كمان عمل امتداد لطيف للي بيحبوا اللون الغامق ههههههههه

Scratch dark mode extension
ودا فيديو شرح للي عاوز يجربها

ودي قائمة بأنشطة آدم الأونلاين ومقدميها ونبذة عن التجربة.
ودي رحلة البرمجة
ودا عن إزاي آدم بقى بيعمل كورسات