كورس المونتيسوري مع مروة رخا هيفيدني في إيه؟ سؤال متكرر: كورساتك يا مروة هتفيدني في إيه؟ الإجابة في نقاط مختصرة من الأهم إلى الأقل أهمية – من وجهة نظري كمتخصصة معتمدة دولياً من 0-12 سنة: كورسات المونتيسوري والتربية اللي بقدمها هتساعدكم في الآتي: (أنا عارفة شغلي وعارفة اللي فيه) 🦋تفهموا احتياجات ولادكم في المراحل العمرية المختلفة فتقدروا تدوهم اللي هم فعلاً محتاجينه 🦋تكوين ذكريات رائعة معهم 🦋الاستمتاع بالأمومة/الأبوة بدل من الشعور بالهم والغم وإن الولاد عبء 🦋مد جسر ثقة بينكم وبين الولاد ... هينقذكم من طفولة كلها عند ومراهقة كلها تمرد وغضب وكلام جارح كتير 🦋توقفوا دايرة العنف والإساءة باسم التربية 🦋تتعلموا طرق مختلفة لتوجيههم والتعامل مع المشكلات السلوكية 🦋تمنعوا البلا قبل وقوعه: تمنعوا الحرمان البيئي اللي بسبب تأخر المهارات العقلية والاجتماعية واللغوية والحركية 🦋تمنعوا البلا قبل وقوعه: تمنعوا المشكلات السلوكية اللي سببها الزهق والملل والفراغ العقلي 🦋تمنعوا البلا قبل وقوعه: تفاقم صعوبات التعليم اللي ممكن تفقد الطفل ثقته بنفسه وتفقدكم عقلكم 🦋التوفير! أيوة والله! في السن الصغير هتوفروا فلوس الحضانات والألعاب اللي مالهاش لازمة! في السن الأكبر شوية هتوفروا فلوس دروس التأسيس في كل حاجة وقرف المذاكرة والواجب! في السن الأكبر هتوفروا الدروس الخصوصية وخناقات التعليم! في حالات التأخر بسبب الحرمان البيئي هتوفروا جلسات تعديل السلوك وجلسات تنمية المهارات واللف على المراكز.
كيف أساعد طفلي في المدرسة والواجبات؟
November 16, 2024
